НАМ



“…Тэсэж ядсан хилэндээ шатаад
Тэнгэрийн солир болж газарт бууна
Тэрслэх дайсны үүрэн дээр унаж
Тэр чигээр нь үнс болгоно.

Сайхан өлгий нутгаа аварсан
Солирын талст минь газарт гэрэлтэнэ
Амьддаа төлөлгүй орхисон өрөө
Ард түмэндээ ингэж төлнө”

Бэгзийн Явуухулан***


Нам –
Ард түмний тэргүүнд
Алтан иштэй хутгаа тулгагч
Алуурчин

Нам –
Аугаа өвгөдийн ариун нутгаас
Авч чадахаараа хумслагч
Тонуулчин

Нам –
Иргэншил нэрээр эртний
Их соёлыг бузарлагч
Нүгэлтэн

Хувьсгал хэмээн намтраа эхэлж
Хуудуу явдалаа ялалтаар халхалсан
Манай эриний гай нь нам
Мандал бадралын тушаа нь нам

Хатавч гэдэг нь мэргэдийн суудал
Хаан ширээ нь мунхагийн гүйдэл
Худал хуурмагийн охь манлай
Хуулиар дархлагдсан ялтаны манлай

Дарлал зовлонгоос салгана гэсэн
Даамай амлалтаар үндэстнийг мунхруулж
Эгэл ардын тэнэгэр нурууг
Эвхэрч нумартал нь сандайлав тэд.

Өргөө гэрийг минь давчуу гэж
Өрнийн шавар тагзыг өргөмжилж
Өргөн талын минь ариун зүрхэнд
Өөрийн тугтай гянданг сүндэрлүүлэв

Халаас зузаантаныг харсан өмгөөлж
Хасбуу тамгыг луут самбайд ороож
Ариун төрийн хишиг нэрээр
Ардын голомт руу ус цацах юм.

Анд хэмээн алтыг шүтэж
Ахас хэмээн гадныг дагаж
Түшин тулсан ард олноо
Түүхийн хог дээр хаяхыг санаалсан юм.

Хагалан бутаргах хатуу явдалтан
Халан солих төмөр нүүртэнд
Олны ирээдүй тоглоом төдий
Олсон хураасан нь диваажинг орлоно

Хувьсгал хэмээн намтраа эхэлж
Хуудуу явдалаа ялалтаар халхалсан
Манай эриний гай нь нам
Мандал бадралын тушаа нь нам

Хатавч гэдэг нь мэргэдийн суудал
Хаан ширээ нь мунхагийн гүйдэл
Худал хуурмагийн охь манлай
Хуулиар дархлагдсан ялтаны манлай

Нам –
Үй олны ачийг
Үхлээр хариулсан
Яргачин

Нам –
Тусгаар оршихуйн нарыг
Тугаараа халхалсан
Тэнүүлчин

Нам –
Гүрэн улсыг хэрэн тогтсон
Гүжир буурангуй явдалын
Нам.


2010.08.20






***Дорнын их яруу найрагч Бэгзийн Явуухулангийн “НАМ” шүлгийг үлгэр болгов.

7 Сэтгэгдэл:

О.Элбэгтөгс said...

chinii shuleg uu. itgemgui yum. gehdee saihan l shuleg baina. yah we neg . za yu ch geheer yum be dee. bolj bainaa. bidnii duu hooloi ene tsag uyed heregtei bgaag uguisgeh argagui yum daa.

www.gegeen.com said...

wow l daa, ooroo bichsen w. happy blogging...

vlmedeh.com said...
This comment has been removed by the author.
vlmedeh.com said...

Сайн бичих юмаа.

oldoshaksli said...

Tiish dee
Minii shuleg.

Bi vintov haij baigaa.
Yah gej gej uu.
Galsaa ahtai negdii za.

Бондууш said...

mmm, heleh duugarah l heregtei,, Yalanguya Zaluu humuus...

Я.Баяраа said...

Гүрэн улсыг хэрэн тогтсон
Гүжир буурангуй явдалын
Нам.

Post a Comment