Би чамайг сонсоно оо...



***
Сэрэхүйеэ зүүд минь чамтай учирч
Сэтгэлийн минь хамгийн нандиныг зүг өөд чинь тээгээд
Нам гүм амьдралаас уйдашгүй аялгуу эгшиглүүлж
Намайг чамд үнэнээр зурж, гагцхүү үнэнээр зурж өгөөсэй

Учирхуйяа зүүд минь чамаар биелж
Улаан уруул, гэрэлт нүдтийн диваажингаас хагацаж чадаад
Хаанчлал, ариун итгэл, оюун төгсийн шидэд
Хамгийн үнэнээр намайг гэрчилж өгөөсэй

Хагацхуйяа хайр чинь чамайг ивгээж
Халдаж болох, холдож болох бүхнийг ялган чадаад
Гэнэн зүүдний ертөнцөд наран тойрог зурж
Гэмших мөрөөсөхийн дууг миний зүрх рүү тээгээсэй

Би чамайг сонсоно оо...

2007.07.30







Яруу найрагч Б.Баясгалан

"Арван гуравдугаар сарын бороо" түүвэр
13-р талд буй.

5 Сэтгэгдэл:

Мөнх хас Н.Бэгтэр said...

shan shvleg shvv.

Арима said...

13-r sariin boroo...

oldoshaksli said...

tun gargatstai bichsiin tsaadah chin.

havriin_misheel said...

chamaig bi haraad l medne

oldoshaksli said...

ha ha

Post a Comment