ЭС МАРТАХ, ҮЛ МАРТАГДАХ...

Хээнцэрлэл, даган дуурайхуйд автагдсан цаг үеийнхээ л бүтээл хойно, хямдхан мөртлөө үнэтэй харагддаг хувцас шиг санагддаг байсан тэр бүсгүйд би гомдож туниж явсангүй ээ. Гэхдээ, болох ёстой юм болдгоороо л болоод өнгөрсөн гэж бодож чаддаггүй минь л хамгаас гунигтай. Түүнээс, цадиггүй тэнэгч, эх адаггүй гунигчийн хоёрдмол хам шинжийг мэдрэхдээ, өөрийгөө уйтгарт дурлалын туужийн гол баатар мэтээр төсөөлдөг байсан минь өөр хүний нүдээр бол бидний хамгийн сэтгэл хөдөлгөм дурсамж юм уу даа. Гэхдээ тэр сэтгэл хөдөлгөм дурсамж л надад хамгаас үнэ цэнэгүй санагддаг юм.
Яг юу нь түүний дүрийг өдий хүртэл миний сэтгэлд шидтэнд хараагдсан хунгийн дүрээр хориод байна вэ? Магадгүй түүнээс ямар нэг юм надад, яг л цамцанд тогтсон толбо шиг наалдаж хоцорчихоод, өөртэйгээ ярилцах тоолонд минь сэтгэл хөндүүрлэж холгоод байгаа хэрэг. Сэтгэлийн толбыг хэмжээлшгүй их нулимасаар л арилгаж болно. Гэвч миний зүрхэнд түүнд зориулсан дусал нулимас ч үлдээгүйг санаатай санамсаргүй таарах бүртээ мэдрэх юм.
Хэн хэнийхээ өмнө эгэл энгийн байж чадаагүйнхээ төлөөсөнд хэн хэнийгээ ингэж зовоож явна гэж би хааяа боддог . Гэвч, шархиран урагдах зүрхний минь чимээ түүнийг сэтгэлийг сэргээдэг байх гэхээс үзэн ядахаасаа өмнө ичингүйрэх энэ дорой сэтгэлээ хэрхэхсэн билээ. Тэр бүсгүйн сэтгэл надад мөрөөдөл шиг минь нэвтэрч, тэр бүсгүйн бие цогцосонд тэмүүлэл мөрөөдөл минь шингэжээ.
Үүрд хамт! гэх үгс нь үнэндээ хэзээ ч надад үнэмшилтэй сонсогдож байгаагүй. Чин үнэндээ үхэн үхтэлээ түүний дэргэд амьдарч чадна гэдэгтээ би итгэхгүй байсан юм. Итгэхийг ч хүсээгүй юм. Гэвч, цаг хугацааны үнэнийг ойлгох тусмаа амьдралаа хэн нэгэнд зориулна гэдэг амьдралын мөн чанар нь юм байна гэдгийг ухаарлаа. Мөн чанар луу минь хөтөлсөн олон олон дүрүүд дундаас хамгаас тод нь болох тэр бүсгүйг, тийм ээ сэтгэлд минь тод улаан толбо үлдээсэн түүний үнэрийг хааяахан мэдрэх болсон минь хаврын урь сэтгэлд минь ч бас унасны гэрч биш гэж үү? Усан шалбааг, уур манан татуулсан сэтгэлийг минь тэр хүлээн авч чадах болов уу?
Түүнийг ахин тэврэнэ гэхээс анхны үнсэлт шиг эв хавгүйхэн мэдрэмж төрөөд байгаа ч, энэ мэдрэмж минь, ялтаны сандалд суугаа хар багын амрагаа тангарагтануудын дундаас харж суугаа Нехлюдовынхоос онц ялгаагүй санагдаад байгаа ч, одоо л түүний дэргэд үүрд үлдэхгүй бол тэрнийг сэтгэлдээ булшилхаас өөр арга зам надад олдохгүйг мэдэрч байна. Тэр булшны дэргэдээс цааш итгэл дүүрэн хөдлөх итгэл надад үлдсэн гэдэгт итгэхгүй байна. Гэвч, түүний өмнө яг л анхных шигээ инээмсэглэх хүч үлдсэнд дотроо чимээгүйхэн баярлаж сууна. Утсаа унтраагаад, сэтгэлээ хоослоод ховсын хүчит шөнийн өмнө хоосон зүрхээ дэлгэн тавилаа. Хүний зүрх гэдэг дэлбээгээ хумисан лянхуа билээ.
Тавтай нойрсоорой! Зүрх минь!
Үүрд баяртай! Хайрт минь!


Я.БАЯРАА
Баатар хот. Бага тойруу

19 Сэтгэгдэл:

Р.Улам-Оргих said...

Тавтай нойрсоорой! Зүрх минь!

Anonymous said...

үүрд баяртай,хайрт минь...

Anonymous said...

gunigtai

oldoshaksli said...

minii yu bichseniig nadad heleh hereggui. Minii yu bichih talaar l nadtai yarilts!

Д . Ичинноров said...

Тэгээд юу бичихийн...

oldoshaksli said...

minii duugiin anhnii seegii yamar haluun bna aa.
Ai

havriin_misheel said...

muu nuuhaar sain ilchil

oldoshaksli said...

tootsoo hiihed husnegt hereggui. Mingu bur ch hereggui gej u. Ha ha.

Bexenzvrxt said...

.

oldoshaksli said...

Цэг
Цэг
Цэг
Цэг
Цэцэг.

AZUKA said...

Тэр булшны дэргэдээс цааш итгэл дүүрэн хөдлөх итгэл надад үлдсэн гэдэгт итгэхгүй байна........нулимас гарах шахав...:(

oldoshaksli said...

nadad tsever tsagaan alchuur baigaa.

Teuvo Vehkalahti said...

Greetings from Finland. This blog is a fun, through access to other countries, people, culture and nature. Come see Teuvo pictures on my blog. Tell your friends why he must visit Teuvo pictures on my blog. Therefore, to obtain your country's flag rise higher Teuvo blog pictures of the flag collection. Have a wonderful weeke Teuvo Vehkalahti Finland

AZUKA said...

hehe nulimsaa gargaague hatamjilzan :)

Элжигэн Б.Дашравдан said...

Сайн уу? Баяраа. Байнга зочилж байя. Үнэн үү?

AZUKA said...

Зуун шөнө би чиний хөлийн сайхныг уруулаараа тэмтэрч хоносон юм чинь
Зуун цагаан эрвээхэй чиний дуу алдахдаа тэмтэрсэн өвс болгоны үндсийг тоолж ниссэн байх даа....
Баяр хүргэе!!!! :) :) :)

oldoshaksli said...

he he.

BUduun daashka manaid yaj bagtaj orj irev ee. Ha ha.
Mani ni bainga l zochildogsh dee. Ha HA.

Anonymous said...

nuuts gj baidaggui bhoo yalanguya yaruu nairagchdad,,,, tmvvvvvvvvvv vgvi yuuuuuuuuuuuu

Я.Баяраа said...

zarim ni uursdiiguu taichigch maichigch gej l baidag yum.

Minii huvid bol busdad uuriiguu neehees uur burhanlig zuil ugui ee.

Post a Comment