Харанхуйн дууч охин


Дэлгэрмаа-д

Сар өдрүүдийн хөх урсгал ухааны гэрэл тасчина
Сайхан эрхэмсэг бүхэн санаанд үгүйл олдоно
Гоо саран мэт харанхуйн дууч охины
Гортиг цайвар царай л санаанаас үл холдоно
Зүүднээс зүүдийг минь хулгайлаад чанагш одох хаврын
Зүүж хэлхсэн өдрүүдийн хамгийн сүүлчийн цэцэг минь
Зөргийн цаад зөрөг дээр даашинзны чинь өнгөтэй манан
Зөндөө олон удаа хөл нүцгэн гүйлээ
Онгод хөлөглөн бүжиглэгч харанхуйн дууч охин минь
Огт гуньдаггүй сэтгэлийн чинь нулимс хаана нуугдана вэ
Галбингаан дуу мэт уянгалаг дэндүү уянгалан хоолой
Ганц удаа чичирэн гунихыг нэг үзэхсэн
Талимаат алаг нүдэнд чинь ус гүйснийг харвал ч
Тавдугаар сарын бороо гучин нэгэндээ зогсохгүй биз
Тэр л цагийн гэгээнд голын хөвөө бараадна
Тэнд л хулгайч хавар зүүдийг минь эргүүлж өгнө
Сар өдрүүдийн хөх гэрэл ухааны урсгал тасчина
Сайхан эрхэмсэг бүхэн үүрд энд оршино
Голын урсгал мэт харанхуйн дууч охины
Гортиг цайвар царай л санаанаас үл холдоно

2010.01.27



Хатанбаатарын ГАНТУЛГА
"Тав дахь улирал" /2010/ ном
92-р тал.

11 Сэтгэгдэл:

П.Намуун said...

Зөргийн цаад зөрөг дээр даашинзны чинь өнгөтэй манан

oldoshaksli said...

yur ni tun aviyaslag zaluu sanagdsan shuu

S.Nachin said...

Зүүднээс зүүдийг минь хулгайлаад чанагш одох хаврын
Зүүж хэлхсэн өдрүүдийн хамгийн сүүлчийн цэцэг минь

Түмэнбаярын Аззаяа said...

ямар сайхан юм бээээ...

Р.Улам-Оргих said...

like

oldoshaksli said...

Like gej yu gesen ugii. hn

Арима said...

ner medehgui zus tanihgui negen shulegch...

oldoshaksli said...

gehdee l yaruu nairagch.

ollie said...

миний зураг явжийна :р

Anonymous said...

utga tuguldur uyanga tugs iim l shvlgiig shvleg gene dee

oldoshaksli said...

Ollie... Bi zoriud avsan l daa. Teed nerii ni taviaguid sov sorry.


Anom... Yur ni L tiim dee.

Post a Comment