Одоо бүхнээс зоригтой, бүхнээс бардам амьдрах болно.

Хувь тавилангаа хүндлээгүйн гэсгээл ирж
Хуучнаараа ертөнц эхлэж, бидний санаснаар төгсөнө.
Чиний сэтгэл минийх шиг хоосон болохыг
Чи удахгүй ойлгоод над шиг амьдрах болно.
Цувтай хүмүүс шиг намар нэг нэгээрээ
Яруу найрагчдийн шүлгийн дэвтэрт нулимсаа сэгсэрч
Гансарсан навчисыг гудамжаар дүүрэн нисгээд
Эндээс буцахдаа бас л ганцаардсанаасаа болоод
Эргэж ирэхгүй гэж амласаар байх болно.
Хорин настай залуу хос өөрсдийнхөө сүүдэрт
Хорин настай бидний мөрөөдөл шиг хууртсаар
Хөх тогоруу шиг өдрүүдэд жиндэн суух болно.
Орхиод явахад минь нулимс унагаагүй чи
Одоо бүхнээс зоригтой, бүхнээс бардам амьдрах болно.
Зөөврийн тэргэнд суугаад эргэж буугаагүй намайг
Зөвтгөж чадсан чамд тийм чадал байгаа.
Хувь тавилангаасаа татгалзаж зүрхэлсэн бидэнд
Хуурамч зүйл байгаагүй, үнэнийг хэзээ ч олж үзээгүй.
Чиний сэтгэл минийх шиг хоосон болох цагт
Хуучнаараа ертөнц эхлэж, бидний санаснаар үргэлжилнэ.

Г.Оргилболд

8 Сэтгэгдэл:

С.Начин said...

Uguisgej chadaxgui ehemseg amidraarai sain saihniig chii xeldgeer gerel gegeen dor xvndetgen mehiij xvrgii ,.,.,.,.,Aan tiin chinii xelsen bas neg ug sanaand orloo xvn bolgon tordog nadaa ymr hamaa baihuu kke

Б.Баясгалан said...

За найрагч дүүд орчлонд гэрэл нэмж ирсэний баяр хүргэе.

Р.Улам-Оргих said...

мэнд хүргүүлэв.

ЗОРИГТ8 said...

мэнд мэнд

Бэхэнзүрхт said...

Мэнд хүргэе хөгшөөн. Хувь зохиолтой өдөр байжээ

oldoshaksli said...

nadaas naiman udruur ah yum daa gej hundelhiim
nadaas doloon barim namhan yum daa gej uhuurdhiim

С.Начин said...

haha

oldoshaksli said...

haana yavaan minii duu

Post a Comment