Өнгөрсөн шөнө юу зүүдлэв?



Өнгөрсөн шөнө юу зүүдлэв?
Өвдөлт, зовиур, хурьцал...
Бишээ, би огт өөр юм зүүдлэсэн.
Харамсалтай нь даан ч санахгүй нь
Хана хэрэм шиг харанхуй хаачихаад байна.
Зүрхийг минь бүлээн усаар угаасан мэт
Сэтгэлийг цагаан даавуугаар арччихсан шиг
Нэг л хөнгөн, нэр шигээ өндөрт оршин байна.
Магадгүй зүүдэнд минь мянган гарт бурхан ирээд
Халуурч зовсон биеийн хамаг хөлсийг арчив уу?
Хатаж омголтсон уруулын минь завсар
Хар чийг дусаав уу, яав?
Гэгээн бодол тээсээр...
Гэрэл татуулан инээмсэглэн сэрэх минь
Нар хүчээр манддаг хотод ирсэнээс хойш
Надад хэд тохиосон билээ..?
Өнгөрсөн шөнө би юу зүүдлэв?

2012.04.19 
Улаанбаатар



Яруу найрагч 
Жаргалсайханы ОРГИЛ

4 Сэтгэгдэл:

Жаргалсайханы ОРГИЛ said...

Дахиад шүлэг бичих гэтэл сэтгэл нэг л хоосорчихоод...

Anonymous said...

одоо чүгтэй барилддаг болж дээ.

Anonymous said...

О.Элбэгтөгс

Я.Баяраа said...

Tegeed dandaa davna aa bas.

Post a Comment