Ой дуурсал


Торгомсог атлаа хүйтэн энэ мэдрэмж
Тохиож надад хэзээ төрсөн билээ?
Өглөө эртийн нуурнаа тунарагч манан
Өлмий шүргэх мандалд нь нил өнгөөр сийрлүү?
Чиггүй өндрөөс үсрэн жингүйдэж яваад
Чиний дүрийг үзэн гар сунгахдаа сэрчихэв үү?

Цаг хугацаа онон барихын эцэсгүй
Цагаан дуртгал болон хөвөрсөөр
Анх чамайг харсан агшин 
Амьдрал, зүүдний амьсгалд
Алгуурхан тодорч байна

Хэзээний танил шиг инээмсэрэх бүсгүйн
Хэлсэн үгийг одоо санахгүй ч
Хөрсөн хуруу нь хэрхэн миний
Хөлөрсөн алганд хүрснийг санаж байна. 

2013.06.16

0 Сэтгэгдэл:

Post a Comment