Чин сэтгэлээсээ чамайг хайрласан л бол...


Санахын жаргал гэж үгүй
Хүсэхийн зовлон гэж бий
Сарних хоосон зэрэглээ мэт атлаа
Хүлэх төмөр гинж мэт орон зай бий

Энгүүн жаргаж суухад эс анзаарсан бүхэн
Эмтрэх шаналахын цагт биежин босож ирнэм
Орон цагийн хүлээсэнд орь ганцаар үлдэхэд
Оюун санаа минь сая үнэн дүрээ үзнэм

Чин сэтгэлээсээ чамайг хайрласан л бол
Чи өмнө нь мөнхөд буруутай
Амин хайранд нь сүүдэр унагавал
Амьдралаа өлмийд нь дэвсээд, өвдөг сөхрөх учиртай.

Банглор
2013.10.03

2 Сэтгэгдэл:

Б.Батзаяа said...

1. Үнэн
2. Зөв
3. Зүй

Arima Ts said...

Энгүүн жаргаж суухад эс анзаарсан бүхэн
Эмтрэх шаналахын цагт биежин босож ирнэм

Post a Comment