Ой дуурсал II


Нойрсоно гэдэг оюун санаагаа 
Нам гүмээр дүүргэхийн нэр
Эсхүл, оюун санаа нам гүмээр дүүрэхийн...
...Бодит ухамсраас ангижрах агшинд ч гэтэл
Бодитоор оршин байна, энэ харц...

Зэмлэл гомдлын нулимс хурсан нүдэнд нь
Зэрлэг давалгаан босон сэтгэлийн байцыг хэмхчинэ
Хад чулуу мэт хүйтэн бодлууд нулимсанд үйж
Харин оронд нь хачин нам гүм далай долгилно

Энэ далайн гүнд залуу нас минь
Эгнэгт хорин тавтын дүрээр нойрсож байгаа
Адгуу цайлган тэр хүүгийн
Амь амьдрал нь миний зүрхэнд үргэлжилж байгаа

...Чичигнэх хуруу биед минь хүрэх шиг болж
Чимээ аниргүйн гүнээс би эргэн ирлээ
Тэр аниргүйн гүнээс төөнөх харцыг мэдрээд
Тэсгэл алдахдаа цурхиран уйлж эхэллээ.

2013.10.10
Банглор

1 Сэтгэгдэл:

Б.Батзаяа said...

Ай даа
Адгуу цайлган тэр хүү л...

Post a Comment