Хорвоогийн явдалд хоргодохын шалтгаан...


Махатма Гандигийн зурагтай арав хүрэхгүй дэвсгэртийн төлөө
Махаа идэж гучин хоног хөдөлмөрлөдөг
Жагар эрс цонхон дор минь хөлчүү дуулалдана
Жаргал гэдэг өнгөнд бус, мөнгөнд бус аа.
Амар сэлүүхэн амьдралын төлөө
Алаг дэлхийн альхан бөөрөнд ч
Адилхан хөвчрөн зүтгэж яваа
Аавын хөвүүд, ээжийн охидод
Үнэн гэдэг үзэмж бус, үхэл ч бус аа
Үүрдийн хайр нь зовлонгийн далайг туулах унаа
Үзвээс бас зол жаргалын шалтгаан юм аа. 
Нэгэн шад сэтгэлийн ураар энд сийлэгдэж
Нэхэн санаж шүүрс алдах ирээдүйн зүгт явна
Тэмүүлэх сэтгэлийн дэргэд гунигийн шад юухан бэ?
Тэгж санахын зуурт л сэтгэл цэлмэх юм аа. 
Сормуусан цаанаа нуусан гунигийн нөмрөгөө тайлахад чинь
Солиором гоо үзэсгэлэнд эхлэн автсан шигээ
Хоосны шидээр ховсдон баригч цагийг таягдаж
Хорвоогийн явдалд хоргодохын шалтгаан нь чи минь юм аа. 

2013.12.13
Бангалор

1 Сэтгэгдэл:

С.Начин said...

ТАС

Post a Comment